Hjöddan talar

Nýtt blogg

Wed, 09 Aug 2006 14:11:21 GMT

jæja ákvað að prófa að breyta til og er komin með nýtt blogg. Ætla svo bara að sjá til hvernig þetta gengur;)

hjoddan.bloggar.is

Góð vika afstaðin og ný að byrja!!!

Mon, 31 Jul 2006 23:09:16 GMT

Já unglist er á enda og fannst mér hún takast vel í alla staði!! Til hamingju með þetta skipuleggjendur! Svo margir búnir að skrifa um þetta þannig að hér koma bara stikkorð!

* Ég fór á opnunarhátíðina sem var geggjað flott, sjaldan verið eins flott
* Mætti líka á Melló Musica, mjög gaman þar
* Fór á skrúðgarðadaginn og spilaði kubbaspil
* Fór í Borgarvirki og það klikkar sko aldrei!
* Sleppti bílabíoinu í þetta sinn og fór í menningarreisu á Útibleiksstaði ásamt                fríðum hópi stúlkna og drengja...það er ógeð þar!!!
* Horfði á gamlingjafótboltann;) og tók svo þátt í ratleik sem við systur bæ ðe vei         unnum...keppnisskapið alveg að drepa okkur;)
* Endaði þetta allt svo á snilldardjammi á tanganum með hljómsveitinni Buff sem er             geggjað góð:haha: Myndir á síðunni hennar Hafdísar!!!8)

Takk fyrir mig Hjöddan

já okkur tókst það!!!!!

Tue, 25 Jul 2006 22:42:52 GMT

Sól, sól skín á mig..... jæja hvernig er með þessa þoku ætlar hún ekkert að fara eða hvað??' annars var gott veður um helgina enda íþróttamót Þyts í fullum gangi og veðurguðirnir ekkert að svíkja okkur þar! Ég keppti á henni Gátu minni og okkur gekk svona líka rosa vel og urðum í 2 sæti í fjórgangi og sigruðum svo töltið:haha: held bara að mér hafi sjaldan liðið eins vel og er varla ennþá búin að fatta þetta....hef heldur aldrei orðið í 1.sæti!!!þetta var bara geggjað!!! ;) jæja ætla að hætta að monta mig....Annars er hægt að sjá öll úrslit á Grafarkotssíðunni.
Fram undan er svo unglistarhátíðin og ball og svonna fjör...
Hittumst heil

Hjöddan kveður í sæluvímu.

2506842829

Wed, 19 Jul 2006 19:17:50 GMT

veit ekki afhverju kennitalan mín kom þarna sem fyrirsögn, ég bara næ henni ekki í burtu!!! Þið getið þá bara séð hvað hún rosalega flott:haha:
Annars er ekki mikið að segja frá! lífið gengur sinn vanagang, er mest í Grafarkoti þessa dagana að stússast í hrossum og svo fer ég á fótboltaæfingar og náttúrurlega í vinnuna mína þegar ég á að vinna...ohhh svo þægilegt að vinna svona vinnu og geta svo riðið út alveg heilu dagana á milli!!
En Hafdís systir mín er á Benedorm ásamt ástmanni sínum og eru þau búin að gera fullt af skemmtilegu t.d. fara í aqaland sem er geggjun...svei mér þá ef manni langar ekki bara aftur til benedorm eða bara eitthvert sem að sólin skín!!!
Jæja er að fara á æfingu

SÍ JÚ LEITER ALÍ GEITER

ég og mín fuglahræðsla!!!!

Tue, 11 Jul 2006 11:37:34 GMT

Þeir sem ekki vita þá er ég með fóbíu fyrir fuglum bæði stórum og smáum8| ég veit að þetta hljómar fáránlega en ég bara ræð ekki við þetta og innst inni veit ég alveg að þessir fuglar gera mér ekki neitt...en hvað um það!! þá er ég búin að komast að því að þetta er ættgengt þessi blessaða fuglahræðsla, ég nefnilega komst að því núna fyrir stuttu að móðir mín er líka svona agalega hrædd við fugla, þannig er nefnilega mál með vexti hún var beðin um að hugsa um hænurnar útá Lindarbergi í viku og það er henni kvöl og pína að fara þarna inn til þeirra og ná í egginn og ekki get ég mikið hjálpað henni því ég er engu skárri. Samt get ég nú státað mig af því að ég átti nú einu sinni hænu í Böðvarshólum sem ég skírði Bremsa en það fór ekki betur fyrir henni en svo að minkurinn drap hana:lol:

Já svona er nú það....fuglar eru sko ekki í uppáhaldi hjá mér....
Annars er hestaferð í fullum gangi og erum við stödd í Kolugili og ætlum að ríða þaðan og í fitjárdalinn í dag....
Kveð að sinni.....

Þetta var bara snilldar Landsmót

Tue, 04 Jul 2006 11:48:25 GMT

já maður getur ekki sagt annað...eintóm snilld þetta landsmót! Ég skemmti mér alveg rosalega vel allan tímann. Hrossin alveg frábær í alla staði og svæðið alveg til fyrirmyndar, böllin voru líka geggjuð og já bara allt:haha:
Keppendurnir okkar stóður sig rosa vel og þá sérstaklega Fanney og Helga...innilega til hamingju aftur stelpur ;)
En þið hestafólk hvaða hross fannst ykkur standa uppúr eftir mótið??
Mér fannst Dögg frá breiðholti, List frá Vakurstöðum og Geisli frá sælukoti langflottust!!

Hjöddan kveður

tíminn líður hratt!

Sun, 25 Jun 2006 10:18:55 GMT

Smá afmælisblogg...
Ég á afmæli í dag og er orðin 22 ára, alveg hreint ömurlegur aldur!!! En alltaf gaman að eiga afmæli enda að koma landsmót og ætli maður haldi ekki bara uppá afmælið í nokkra daga á landsmótinu...
Ætli ég verði ekki að segja eins og egóið hún silvía nótt ,, Gaman að sjá hvað margir ætla að mæta í afmælið mitt, held að það sé búist við um 10-12 þús manns" hehehehe:haha:
Ég þarf svo að eyða afmælisdeginum mínum í vinnunni en það er svo sem ekkert verra en hvað annað;)

Hjöddan kveður árinu eldri

Þetta er lífið!!!

Wed, 21 Jun 2006 19:30:58 GMT

Sæl veriði!! ég geri ekki mjög mikið af því að fara á netið svona yfir sumartímann en þó aðeins, þá ætla ég einmitt að nota tækifærið og blogga aðeins!

Síðustu dagar hafa farið í þjálfun og tamningar útí grafarkoti með henni fanney og það er sko geggjað gaman. Hvað er betra en að fá að stússast við hross allan daginn?? ég bara spyr :) mér finnst allavega fátt betra.

Það styttist og styttist í Landsmót og spennan eykst og eykst. Ég ákv. að vera svo dugleg að taka að mér eina vakt á mánudaginn og þá er aldrei að vita nema að ég nái að sjá nokkur hross taka til kostanna:haha: Annars fer ég sjálf ekki fyrr en á fimmtud. á landsmót...hvernig er það með ykkur hvenær á að skella sér??

Eitt sem mér datt í hug að því að ég er alltaf að hugsa um þetta h....kaupfélag ætli það sé ekki ódýrara að aka í Borganes og versla í Bónus það helsta sem maður þarf með sér á Landsmót en að versla í KVH???????????

Jæja Hjöddan kveður og njótið sumarsins!:haha:

Sko þetta er hætt að vera fyndið!!!

Fri, 16 Jun 2006 12:11:14 GMT

Ég held að það sé verið að ofsækja mig einhversstaðar erlendis frá!! þannig er nefnilega mál með vexti að síðastliðnar 3 nætur hefur verið hringt í mig úr útlensku númeri sem er 639062472543 og ég svara og alltaf heyrist bara eitthvað tungumál og geðveik læti á bakivið og ég skil náttúrulega ekkert hvað fólkið er að segja reyni bara alltaf að segja halló aftur og aftur þangað til að ég endi með að skella á. Svo í fyrrakvöld þá fæ ég sms eftir að ég er búin að skella á og það hljómar svona:
Ate Melda salamat daw sabi ni na2y s pinadala mong pera salamat talaga c Janerine 2.

Svo kæru vinir ef þið kannist við þetta tungumál þá megið þið endilega segja mér hvaða tungumál þetta er ...mér er alveg hætt að lítast á blikuna.....!!!!8|

Hjöddan kveður að sinni!!!

stuð stuð stuð

Mon, 12 Jun 2006 11:12:36 GMT

Það er búið að vera ansi mikið um að vera alla helgina á mínum bæ. Á föstudagin var skeiðveisla og unghrossakeppni uppí Hvammi og tókst það bara ansi vel enda alveg frábært fólk í þessari mótanefnd...he he;) Ég keppti á henni Reisingu í unghrossakeppninni og gekk það bara alveg ágætlega.
Á laugardaginn var svo gæðingamót og úrtaka fyrir Landsmót sem byrjaði klukkan níu og var búið klukkan níu um kveldið.....svaka stuð:haha: Ég keppti á Gátu í B.flokki II og okkur hefur bara aldrei gengið eins vel á vellinum og nú og fengum 8.25 eftir forkeppnina og vorum í öðru sæti og fengum svo 8.27 í úrslitum og héldum öðru sætinu:haha: Takk Fanney og Logi fyrir hjálpina:D
Mamma lánaði Funa í barnaflokkinn og hún Rakel keppti á honum og gekk henni rosa vel og lennti í 3 sæti;)
Svo óska ég öllum til hamingju sem komust inn á Landsmót, þetta verður sko glæstur hópur sem fer fyrir ÞYT8)

Systkyni mömmu komu frá svíþjóð á laugardaginn og gistu hjá okkur eina nótt. Hún á s.s. 3 systur og 2 bræður annar býr reyndar á selfossi en hinn býr í Hollandi.
Rosalega skrýtin tilfinning að hitta skyldmenni sín í fyrsta skipti þegar maður er að verða 22 ára gömul8| en nú er bara að halda sambandi við alla og gera sér ferð einhverntíman út til þeirra og hitta þeirra fjölskyldur.
Ég neita nú ekki fyrir það að ég var orðin ansi þreytt á laugardagskvöldið og eiginlega ennþá á sunnudaginn eftir þetta allt saman enda meira en að segja það að vera í þessari mótanefnd og vera að keppa og alles8|

Jæja kveð að sinni og minni á að Landsmót er á næsta leyti...jibbbbíííí

Mér finnst rigningin góð trallalalla......óóóó

Wed, 07 Jun 2006 11:10:14 GMT

Það er búið að vera ansi blautt á okkur húnvetningum síðustu tvo daga eða svo, mjög gott fyrir gróðurinn, enda allt að verða grænt og fínt!! Ég og mamma erum búnar að vera að missa okkur aðeins í garðinum enda ekki vanþörf á8|

Kynbótasýningin var í gær og yfirlitssýningin er svo í dag kl.16:00. Sérdeilisprýðileg hross þarna inn á milli og gaman að fylgjast með þessu öllu saman:haha:
Svo fer bara að styttast í úrtöku og gæðingamót og ég neita því ekki að ég er orðin bísna spennt fyrir því að fara að keppa...alltaf svo gaman þó svo að það gangi nú ekki alltaf neitt sérstaklega vel!!!! Gátan er búin að vera í góðu standi síðustu daga og vona ég bara að hún verði það áfram.

Já eins og ég var búin að minnast á þá er ég að fara á laugarvatn í haust og ég er búin að fá hesthúsapláss 2 km frá laugarvatni þannig að maður þarf ekki að skilja hrossin eftir heima:haha:

Næsta helgi verður þétt setin er að vinna alla helgina nema á laugard því þá er mótið og svo eru systkyni mömmu að koma frá Svíþjóð að heimsækja okkur og ætla að gista eina nótt, það verður sko gaman að fá að hitta þetta fólka hef bara aldrei séð þau nema á mynd.....spennó ekki satt???;)

Best að nöldra aðeins víst að ég er nú að rita hérna....AFHVERJU ER ALDREI TIL SÚRMJÓLK Í ÞESSU KAUPFÉLAGI???????????????????? HEF LENT Í ÞESSU 3 Á RÚMRI VIKU!!!!!!!!!:^)

kveð að sinni....Hjöddan

Já það er mikið um að vera......

Thu, 01 Jun 2006 12:09:06 GMT

Ætla að byrja á því að óska Eydísi og Óla til hamingju með litlu snúlluna hún er geggjað sæt:haha:
Í gær fékk ég hringingu frá Laugarvatni og ég er komin inn í skólann...púff ég fékk svona fiðring í magann bæði af spennu og smá kvíða....en ég hlakka mikið til. ;)
Núna er ég komin í 8 daga frí í vinnunni og mun ég nýta þessa daga vel í útreiðar og annað hrossastúss. Ætla bara að minna á það að það er kynbótasýning hér uppí hvammi á mánudag og þriðjudag að mig minnir og allir að mæta og sjá gæðingana þeysa um völlinn.
Já svo er síðasta vinnukvöldið á hestavellinum í kvöld og vil ég hvetja alla sem geta að mæta og hjálpa til við að gera allt fínt fyrir sumarið...reyndar komst ég bara sjálf í gær og ætla að reyna að komast í kvöld líka!!!

Hittumst heil.....

Loksins!!!!

Mon, 29 May 2006 15:30:41 GMT

Já nú er sko nýja hjólið komið í gagnið, Tommi var svo elskulegur að "hjálpa" mér að setja það saman. Nú hjólar maður bara útum allt! Helgin var nokkuð góð, fór í veislu til Fanneyjar og lenti í einu sem ég hef aldrei á ævinni lent í og það var að ég gleymdi að setja í mig linsurnar og fattaði það ekki fyrr en Hafdís benti mér á það, enda skyldi ég ekki hvað ég sá allt í móðu;) veit að þetta er hálf ljóskulegt! varð bara að segja frá þessu ;) Svo var bara mest verið í hrossastússi alla helgina...bara gaman!!! Já ég kíkti líka á krókinn á laugard.kvöldið og tjúttaði með stelpunum þar ofsa gaman að hitta alla;) Jæja hef ekkert meira að segja enda alveg tóm!! Hjöddan kveður

já sko mína!!!

Thu, 25 May 2006 10:57:54 GMT

já svei mér þá, held bara að veðrinu sé að slota eftir allt saman og bara sól og blíða í dag:haha: Þrefalt húrra fyrir því!!!!!!!!!!
Ýmislegt framundan.......;):haha:

tilkynning

Mon, 22 May 2006 12:53:33 GMT

Smá pæling........
Vantar einhvern aðstoð við þjálfun hrossa í sumar hér í nágrenninu???
Þannig er nefnilega mál með vexti að ég er að vinna vaktavinnu á Sambýlinu og er oft í svo löngum fríum inn á milli og mig langar til að eyða þeim tíma í hross, er ekki með nema 2 hross sjálf....
Látið í ykkur heyra ef þið vitið um eitthvað!!
Hjöddan kveður